PS后制乜乜乜

大家係香港都成日会听到人讲ps，张相有无p过架之类嘅说话，ps好似已经同执相、后制甚至有d负面嘅＂假＂有不可分割嘅关係，但事实后制很究竟係乜？ps係乜？

Adobe Photoshop

简称「PS」，係一个由 Adobe Systems 出嘅，处理像素（pixels）为主嘅，图像处理电脑软件。同公司嘅其它软件一样，Photoshop 可用喺 Mac OS 同 Microsoft Windows 两个系统之上，亦有 Unix 作业系统嘅版本。俾人叫做「平面设计专业嘅行业标準」（"an industry standard for graphics professionals"）。

by wiki

而后期处理post processing或润饰retouching就係泛指所有相片嘅修改行为及优化处理，ps只係其中一个最强大最为业界认同嘅图像处理软件，其他好似Digital Photo Professional(DPP) ，Lightroom(LR)，Capture One Pro一样可以做到后期製作，只係ps太出名，就好似法拉利＝超跑，卡乐B＝薯片一样。

係香港对后期处理嘅讨论同研究真係比较少，一来大家都忙二来要自学好似无从入手，但其实现代嘅数码摄影已经同影像处理有密不可分嘅关係，因为严格黎讲由感光元件纪录相片嗰一刻后期制作已经开始在发生，相机已经用左内建处理器同程式经过感光元件同镜头写入数据再转化成影像，raw係只经过一次相机处理而未被压缩的原档，而jpg係经相机进一步处理过既压缩档，关係就有d好似布同衫，jpg其实係机身帮你度身订造嘅一件衫，而raw就似係一匹布，而图像处理软件就係造衫嘅工具。

首先要戴左头盔先，因为教育并不是小弟嘅强项，所以小弟只能尽力分享我嘅经验同有限嘅技术令大家了解多d后制究竟係乜乜乜，希望推动下无乜人会在意但其实好重要嘅后制。

影像后期处理大约分为以下五个阶段

1. 相机内置软件对颜色及光暗嘅处理
选择不同特性的相机或品牌会得出不一样嘅软件处理效果（raw / jpg ），大部份人会留係呢个阶段比较长嘅时间（dc > mirrorless > dslr > mid format) ，当然用钱去买更好嘅机身係最简单方便同直接嘅进步方法，但缺点係极之被动，因为效果始终係由相机决定。

2. Raw转档嘅处理：颜色、清晰度或光影调整
raw转jpg过程自主度大，单係白平衡嘅可修改度已经值得你去影raw，重有光暗、杂讯同锐利度都可以局部修正，可根据个人喜好去优化甚至拯救，如果想有更好效果或者进一步个人化相片，raw转档嘅处理基本上係必学。

before / raw

after / raw>jpg 现埸係一间充满 LED Balls 既房，会不断变色，当你了解 temperature & tint 既变化同关係就可以轻易用软件将raw变返正常色，如果净係影jpg就无能为力啦

before / jpg

after / raw>jpg 人色处理係极高深学问，单靠机身处理根本无可能完全还原现场情况甚至优化

3. 图像优化：颜色或光影调整 / 图像合併、变形或裁切
如果你有影raw同做好转档工作，咁你係呢一步会做少好多野，因为除左合併之外，大部分要做嘅係转档已经做晒，如果你影jpg要修改就要係类似Lightroom或者ps入面处理，当然效果一定唔够用raw转jpg好同有自主性，而jpg其实比较适合纪实类摄影。

before / jpg

after / jpg 已经做左锐度、颜色、细节修饰、局部光/暗位补光 ( mutil-layer )、散景加强效果（景深更浅），可惜光位已死，如果係raw, 呢张相只需要15分钟就搅掂仲要再有20-30%质素提升，这就是.jpg"https://cdn01.dcfever.com/media/blog/files/42/42974/2016/06/42974_1467194103142.jpg" alt="PS后制乜乜乜" width="100%"/>

after / 189raws>jpg 合併係风景摄影会经常用到嘅处理方法，可得到更wide嘅风景同更大像素，呢张相用左188张合併完成还原了裕民坊

4. 图像进阶优化 / 改造：区域性处理颜色、清晰度或光影调整、图像合併、变形或裁切 / 增加或移除、放大或缩小、重塑形态（包括人或事物）
做到呢一个阶段嘅一定係完美主义者、资深或者进阶摄影人、全职 / 专业摄影或修图师，已经对前3阶段了如指掌，想再针对性优化相片细节及颜色，如果控制力良好，更加可以做到执左好似无执嘅效果，自然而完美。

before / raw

after / raw>jpg 为左美化画面嘅好典型抹野走例子，另一重点係人色还原

before / 1+2+3=after

after / raw>jpg 小朋友坐嘅位置离地有一米以上，用三张相合併可安全地影到我想要嘅效果，除非我无啦啦搵到2张软垫或者要承担小朋友跌落地嘅风险，如果唔係就影唔到呢张相，呢d正正係后制比前期优胜嘅地方

5. 混合图像创作：可混合地使用不同图像创造天马行空既相片，包括stock photo / 为求最佳化于同时同地拍摄相片 / 用3D software 制作图像作合併使用
平面后期处理嘅终极阶段，去到呢个阶段应该已经係高手高高手，尤其以商用或广告级先会用到呢类后制效果，如果一般使用其实做到阶段4已经好够用。

before / 1+2+3=after

after / 3raws>jpg 已经係3年前嘅作品，呢类创作需大量时间去準备同后期处理，满足同成功感爆灯，对光暗处理同剪贴细节要求极高，係一种好好玩嘅练习

after / 12raws>jpg 去到呢个阶段要做好嘅係细节同主题，前题係请先做好之前嘅阶段

了解左上边嘅几个阶段希望你开始明白后制係可以简单地为左还原现场或者优化颜色，也可以係抺d路人走完美化画面，更可以天马行空大龙鳯，最重要係根据自己想要嘅效果去做后期处理，而大部分人会用到同关心嘅还原现场或相片优化其实好大程度係控制力嘅美学，优化到尽头嘅点到即止就係最高学问（好似煮野食一样，油盐酱醋要落几多？）。

tips

理论上后制係近乎无所不能，当然如果要花不成正比嘅时间去处理一d可能只係摄影嘅简单準备或者技巧值得与否就见仁见智（例如拯救错误曝光或改变髮型），个人我会认为后制需要与摄影技术互相配合先可以真正发挥威力，适当使用係会带俾你更方便更灵活嘅摄影体验，后制亦应该係用黎优化多过救援，太倚赖会有d本末倒置，最好都係做好前中期而减少多余嘅后期吧。

后制原意係做出不同程度嘅相片优化，一切其实都係源自对美嘅追求，可参考多d关于设计同艺术嘅创作，开发自己嘅美术触角自然会事半功倍。

后期处理难在无得打天材波，要做得好一定要俾心机俾时间，要试要练，练力道练美感。

后话

数码年代个个都买专业相机镜头，点解今年同上年影嘅相差唔多？如果你已经乜机都玩过但影黎影去都係咁上下或者影左几十万张相但无张见得下人，除左俾更多心机做好前中期，可能係后期里面可以搵到你想知道嘅答案。

www.facebook.com/inghohk

www.facebook.com/adorbyhongkong

www.adorbyhk.com